სერბეთის დედაქალაქ ბელგრადში 23-წლამდე მსოფლიოს ჩემპიონატი ბერძნულ-რომაულ ჭიდაობაში წარმატებით დასრულდა საქართველოს ნაკრებისთვის, ლერი აბულაძე და რადგან აივენგო რიკაძე მსოფლიოს ჩემპიონები გახდნენ, ხოლო ფრიდონ აბულაძემ ბრინჯაოს მედალი მოიპოვა.
ლერი აბულაძემ 63 კგ წონით კატეგორიაში თავიდან ყაზახი ასახაუტ მუხამადიევი 5:1 დაამარცხა, შემდეგ რუსი გეორგი თიბილოვი 7:3 და ირანელი ალი რეზა ოლა ნეჯატი 7:3 დაამარცხა, რის შედეგადაც ფინალში გავიდა. ლერი გადამწყვეტ შეხვედრაში თურქ აჰმეთ უიარს შეხვდა, რომელიც 3:1 დაამარცხა და ოქროს მედალს დაეუფლა.
აივენგო რიკაძემ (82 კგ) ესტონელ რანეტ ლაიოლას 3:0 მოუგო, შემდეგ ფინელი ოტო ემელი კეტონენი 9:0, რუსი შამილ ოზაევი 5:3 და ნახევარფინალში ირანელი მოჰამად აზიზ ნაგუსი ასევე 5:3 დაამარცხა. ფინალში ქართველი ფალავანი შვეიცარიელ რამონ რაინერ ბეტშარტს დაუპირისპირდა, რომელიც 5:1 დაამარცხა და ოქროს მედალი მოიპოვა.
ფინალამდე ერთი ნაბიჯი დააკლდა ფრიდონ აბულაძეს (60 კგ), მაგრამ ბრინჯაოს მედალი მოიპოვა. მან ყირგიზი ნურმუხამეტ აბდულაევი (3:2) და რუმინელი რაზვან არნო (7:4) დაამარცხა, ნახევარფინალში კი ირანელ მეჰდი მოჰსენ ნეჰადთან 3:5 წააგო. ფრიდონმა ბრინჯაოს მედლისთვის ბოლო ქულის უპირატესობით (3:3) უზბეკი მუხამადკოდირ იუსუპოვი დაამარცხა.
ამრიგად, საქართველოს ბერძნულ-რომაული სტილით მოჭიდავეთა ნაკრებმა 23-წლამდე მსოფლიოს ჩემპიონატი სამი მედლით დაასრულა. ლერი აბულაძე (63 კგ) და აივენგო რიკაძე (82 კგ) ოქროს მედლებს, ხოლო ბრინჯაოს ფრიდონ აბულაძე (60 კგ) დაეუფლა.
