საქართველოს ჭიდაობის ეროვნული ფედერაცია

საქართველოს ჭიდაობის ეროვნული ფედერაცია NATIONAL WRESTLING FEDERATION OF GEORGIA

აჩიკო ბოლქვაძე და ანრი ფუტკარაძე ევროპის ჩემპიონები არიან, ჭაბუკების 6 მედალი გერმანიიდან
08:17 | July 24 2021

საქართველოს ბერძნულ-რომაული სტილით მოჭიდავე ჭაბუკთა ნაკრებმა ევროპის ჩემპიონატზე 6 მედალი მოიპოვა და საერთო გუნდურ ჩათვლაში მე-2 ადგილი დაიკავა.

 

აჩიკო ბოლქვაძის (80 კგ) და ანრი ფუტკარაძის (65 კგ) მიერ 19 ივნისს მოპოვებულ ოქროსა და ვერცხლის მედლებს, 20 ივნისს თამაზ ღლონტმა (51 კგ) ვერცხლი მიამატა. ანრი ხოზრევანიძემ (45 კგ), რატი ხოზრევანიძემ (60 კგ) და გორ აივაზიანმა (92 კგ) კი ბრინჯაოები.

 

გუნდურ ჩათვლაში საქართველოს ჭაბუკთა ნაკრებმა 132 ქულა დააგროვა და 22 ქულით გაუსწრო უახლოეს მდევარს - უკრაინას.
ჭაბუკებში, 2021 წლის სეზონის უმთავრესი შეჯიბრება - მსოფლიოს ჩემპიონატი ერთ თვეში (19-25 ივლისს), ბუდაპეშტში გაიმართება.