საქართველოს ჭიდაობის ეროვნული ფედერაცია

საქართველოს ჭიდაობის ეროვნული ფედერაცია NATIONAL WRESTLING FEDERATION OF GEORGIA

ჭაბუკების 6 მედალი და გუნდური მესამე ადგილი ევროპირველობიდან
12:20 | August 06 2019

1 ოქრო, 2 ვერცხლი და 3 ბრინჯაო - ასეთია საქართველოს თავისუფალი სტილით ჭაბუკთა ნაკრების მონაგარი იტალიურ ფაენცაში გამართული ევროპირველობაზე.

 

კონტინენტის ჩემპიონი ნიკოლოზ სანთელაძე (45 კგ) გახდა, ვერცხლის მედლები გიორგი გოგრიჭიანმა (51 კგ) და დავით კუჭუაშვილმა (71 კგ) მოიპოვეს.

 

ლუკა გუგეშაშვილი (48 კგ), დავით ფაცინაშვილი (65 კგ) და დავით კოღუაშვილი (80 კგ) ბრინჯაოს მედლის მფლობელები გახდნენ.

 

კვარცხლბეკის მესამე საფეხურზე ასასვლელად თითო გამარჯვება დავით აბდალაძეს (60 კგ) და საბა გამთენაძეს (92 კგ) დააკლდათ.

 

გიორგი კვინიკაძის ნაკრებმა საერთო გუნდურ ჩათვლაში 140 ქულით მესამე ადგილი დაიკავა.