საქართველოს ჭიდაობის ეროვნული ფედერაცია

საქართველოს ჭიდაობის ეროვნული ფედერაცია NATIONAL WRESTLING FEDERATION OF GEORGIA

საქართველოს ნაკრები მსოფლიოს ჩემპიონატიდან 5 მედლით და გუნდური მესამე ადგილით ბრუნდება
10:52 | October 11 2018

7 ოქტომბერს, თურქეთის ქალაქ სარიგერმეში დასრულდა მსოფლიოს პირველობა საპლაჟო ჭიდაობაში სადაც ჯემალ კილაძის გაწვრთნილმა საქართველოს ნაკრებმა 2 ოქროს, 2 ვერცხლის და 1 ბრინჯაოს მედალი მოიპოვა. აღსანიშნავია რომ ჩვენი ნაკრები 6 მონაწილით იყო წარდგენილი საიდანაც ხუთმა მედლის მოპოვება შეძლო.

 

მსოფლიოს ჩემპიონები კოტე ხაბალაშვილი (70 კგ) დ იაკობ მაქარაშვილი (80 კგ) გახდნენ, ორივე ქართველმა ფალავანმა ფინალში უკრაინელი მოწინააღმდეგეები სემიონ რადულოვი და ვასილ მიხაილოვი დაამარცხეს.

 

ვერცხლის მედლები ირაკლი მწითურმა (90 კგ) და ახალგაზრდული ნაკრებიდან თორნიკე ქათამაძემ (60 კგ) მოიპოვეს, ბრინჯაოს მედალს ჯაბა ყველაშვილი (80 კგ) დაეუფლა.

 

საერთო გუნდურ ჩათვლაში საქართველოს ნაკრებმა 79 ქულით მესამე ადგილი დაიკავა. აღნიშნული შეჯიბრი არის პირველი სალიცენზიო ეტაპი 2019 წელს სანდიეგოში გასამართი მსოფლიო ქვიშის თამაშებისათვის.