საქართველოს თავისუფალი სტილით მოჭიდავეთა ჭაბუკთა ნაკრებმა წარმატებით იასპარეზა უკრაინის ქალაქ ხარკოვში 18-20 იანვარს გამართულ ლეონიდ დუნაის ხსნოვისადმი მიძღვნილი საერთაშორისო ტურნირზე. გიორგი კვინიკაძის და ალექსანდრე პატარქალაშვილის ხელმძღვანელობით ჩვენმა ჭაბუკებმა 4 ოქროს, 1 ვერცხლის და 4 ბრინჯაოს მედლის მოპოვება შეძლეს.
ტურნირის ჩემპიონები კი, ოთხ წონით კატეგორიაში გიორგი გეგელაშვილი (51), ბაგრატ გაგნიძე (71 კგ), გიორგი ჩანქსელიანი (80 კგ) და სოლომონ მანაშვილი (110 კგ) გახდნენ. ვერცხლის მედალი ლუკა ჩხიტუნიძეს (51 კგ) ხვდა წილად, ხოლო მესამე საპრიზო ადგილები ჯონი ცხადაიამ (45 კგ), შამილ გაჯიევმა (48 კგ), დავით აბდალაძემ (55 კგ) და ლუკა მარიამიძემ (71 კგ), დაიკავეს.
შეჯიბრებაში მონაწილეობა საქართველოს გარდა, უკრაინის, საბერძნეთის, გერმანიის, მოლდოვის, სომხეთის, ბელარუსიის, ყირგიზეთის, ყაზახეთის და თურქეთის გუნდებმა მიიღეს.
გუნდურ შეჯიბრში კი საქართველოს ნაკრებმა მეორე ადგილი დაიკავა.