საქართველოს ჭიდაობის ეროვნული ფედერაცია

საქართველოს ჭიდაობის ეროვნული ფედერაცია NATIONAL WRESTLING FEDERATION OF GEORGIA

გიორგი გეგელაშვილი ევროპის ჩემპიონია, ლადო გამყრელიძე ვიცე-ჩემპიონი.
12:15 | July 27 2017

თავისუფალი სტილით მოჭიდავეთა ჭაბუკთა ნაკრება სარაევოში მიმდინარე ევროპის ჩემპიონატის მესამე დღეს ოქროს და ვერცხლის მედლები მოიპოვა. 

 

გამარჯვებით დაასრულა ასპარეზობა გიორგი გეგელაშვილმა (46), რომელმაც ფინალურ შეხვედრაში რუსი მაგომედ აბდურახმანოვი დაამარცხა 5-2 და ევროპის ჩემპიონი გახდა. მანამდე კი მაკედონიელ აიდ სალიასის 14-1, აზერბაიჯანელ აშრაფ კარიმზადას 4-0 (წმინდა) და სომეხ არაკელ მოვსესიანს 5-1 მოუგო.

 

ოქროს მედლისათვის უკრაინელ ანდრეი ძელეპთან ბრძოლაში დამარცხდა ლადო გამყრელიძე (54) და ვერცხლის მედალს დასჯერდა. საფინალო გზაზე გამყრელიძემ სამი მეტოქე ჩამოიცილა, შვეიცარიელ ფლურინ მაიერს 10-0, საფრანგეთის წარმომადგენელ ადამ ბიბოულატოვს 9-2 და თურქ ჰამზა ალაჩას 9-8 სძლია.

 

დღესვე ხალიჩაზე გიორგი ელბაქიძე (63), ლაშა ბაირამოვი (76) და ჭაბუკა გამყრელიძეც (100) გავიდნენ თუმცა მედლის გარეშე დაასრულეს ასპარეზობა.