საქართველოს ჭიდაობის ეროვნული ფედერაცია

საქართველოს ჭიდაობის ეროვნული ფედერაცია NATIONAL WRESTLING FEDERATION OF GEORGIA

თავისუფალი სტილით ახალგაზრდული ნაკრების წარმატება ესპანეთში
05:56 | April 23 2017

ჭიდაობის მსოფლიო გაერთიანება UWW-ს ეგიდით 22-23 აპრილს, ესპანეთის ქალაქ ელჩეში გამართულ საერთშორისო ტურნირზე თავისუფალ ჭიდაობაში საქართველოს ახალგაზრდულმა ნაკრებმა 10 მედალი - 7 ოქრო და 3 ვერცხლი მოიპოვა. ნაკრების წევრებმა შვიდივე წონით კატეგორიაში შეძლეს გამარჯვების მოპოვება, აქედან სამში ქართული ფინალები გაიმართა.

 

ტურნირის ჩემპიონები რამაზ თურმანიძე (55), თეიმურაზ ვანიშვილი (60), ივერიკო ჯულაყიძე (66), მირზა სხულუხია (74), ნიკა კენჭაძე (84), გივი მაჭარაშვილი (97) და ზურიკო ურთაშვილი (125) გახდნენ. ვერცხლის მედლები გოგა ძიგუამ (55), ედემი ბოლქვაძემ (66) და ზაურ ბერაძემ (84) მოიპოვეს.

 

55, 66 და 84 კგ კატეგორიების ფინალში რამაზ თურმანიძემ, ივერი ჯულაყიძემ და ნიკა კენჭაძემ თანაგუნდელები გოგა ძიგუა, ედემი ბოლქვაძე და ზაურ ბერაძე დაამარცხეს, თეიმურაზ ვანიშვილმა (60) მასპინძელ კარლოს გარსიას 14-2 მოუგო, მირზა სხულუხიამ (74) პოლონელი სებასტიან ბაკი 12-2 დაამარცხა, ევროპის ჩემპიონმა 23-წლამდელთა შორის გივი მაჭარაშვილმა და ზურიკო ურთაშვილმა (125)  ერთნაირი ანგარიშით 10-0 დაამარცხეს ესპანელები ლოპეზ ფერნანდესი და დიეგო იგლესიას კუევასი.

 

საერთო გუნდურ ჩათვლაში საქართველოს ნაკრებმა 70 ქულით პირველი ადგილი დაიკავა, მეორეზე მასპინძელი ესპანეთი გაივდა 56 ქულით, მესამეზე პოლონეთი 33.

 

გუნდს გელა საღირაშვილი, ბელდუხ გავაშელიშვილი და თეიმურაზ მინდიაშვილი ხელმძღვანელობდნენ.